Navegación por
Categoría: Novas

As novas do Mercado de Nadal de Compostela.

O Mercado de Nadal e a pista de xeo abrirán este sábado 2 de decembro

O Mercado de Nadal e a pista de xeo abrirán este sábado 2 de decembro

A concelleira de Desenvolvemento Económico, Marta Lois, e a técnica de Comercio Lucía Castro, presentaron o Mercado de Nadal, que abrirá este sábado 2 de decembro e permanecerá instalado ata o 6 de xaneiro. En total haberá 87 expositores, 22 máis que o ano pasado, na mesma localización, a rúa Carreira do Conde.

Marta Lois explicou os detalles deste Mercado de Nadal 2017-2018, entre os que destacou que a ubicación volva a ser Carreira do Conde. “O motivo desta elección son os bos resultados do ano pasado e que, ademais, é un excelente atractivo tanto para a zona histórica como para o Ensanche, dinamizando os dous”.

En canto aos horarios do Mercado, os días non festivos abrirá de 11:00 a 14:30 e de 16:30 a 21:30 horas. Os días 24 e 31 de decembro, o horario será de 11:00 a 14:30, mentres que os días 25 de decembro, e 1 e 6 de xaneiro, o Mercado abrirá de 18:00 a 21:30 horas.

Este ano participarán 87 comercios e artesáns, fronte aos 65 do ano pasado. A concelleira destacou tamén o aumento na demanda de solicitudes para participar no Mercado, xa que “se no 2015 houbo unha demanda discreta de 86 comerciantes, no 2016 superáronse as 100 solicitudes e para este ano houbo un total de 157 solicitudes de participación”.

No Mercado de Nadal haberá postos de artesanía, doces, obxectos e agasallos para as festas, cunha representación moi ampla da artesanía local. Os comerciantes e artesáns rotarán en quendas. Así, segundo explicou Lucía Castro, “haberá un total de seis quendas, cada unha das cales durará seis días”. Nesta edición, ao haber máis expositores, non terán que repetir quenda, salvo tres, polo que se garante a variedade e distinción en cada quenda.

Espazo Creativo
O Mercado tamén contará cunha área de actividades, o Espazo Creativo, pensado sobre todo para os máis pequenos, que tamén terán á súa disposición unha ludoteca aberta permanentemente. “Buscamos así conciliar a compra e a visita ao Mercado co entretemento dos nenos e nenas”, indicou a concelleira.

Toda a información sobre as actividades de Espazo Creativo pode consultarse na web do Mercado de Nadal.

Pista de xeo
Marta Lois anunciou que tamén esta fin de semana abrirá a pista de xeo, instalada novamente no paseo central da Alameda. Funcionará do 2 de decembro ao 28 de xaneiro.

O horario de luns a venres será de 9:00 a 14:00 só para centros escolares, mentres que, pola tarde, o recinto abrirá de 16:30 a 22:00 horas para o público en xeral. As fins de semana a pista estará disponible de 11:00 a 22:00 horas de maneira interrompida. Tamén haberá sesións nocturnas os venres, sábados e vésperas de festivos, con horario de 22:00 a 2:00 horas.

Sobre os prezos, a penas varían respecto ao anterior Nadal, cunha entrada xeral de 8 euros para unha sesión de 50 minutos. Os/as escolares pagarán 4,5 euros.

Aberto ata o 2 de novembro o prazo de solicitude de participación nos postos de venda do Mercado de Nadal

Aberto ata o 2 de novembro o prazo de solicitude de participación nos postos de venda do Mercado de Nadal

O Departamento de Comercio abre o prazo para solicitar a participación no Mercado de Nadal, que se celebrará do 2 de decembro ata o 6 de xaneiro na rúa Carreira do Conde. A inscrición estará aberta ata as 19:00 horas do día 2 de novembro.

O Mercado de Nadal contará con 15 postos de venda instalados en casetas montadas especificamente para esta finalidade. Estará aberto de 11:00 a 14:30 e de 16:30 a 21:30 horas, co horarios especiais os días 24 e 31 de decembro, de 11:00 a 14:30 horas; e o 25 de decembro e 1 e 6 de xaneiro, de 18:00 a 21:30 horas.

A convocatoria está dirixida a artesáns, produtores e comerciantes con capacidade para exhibir e vender produtos, creacións ou elaboracións de Nadal. Terán prioridade os produtos de decoración de Nadal; repostaría e doces, así como outros produtos de alimentación vinculados ás celebracións de Nadal; agasallos artesanais e outros produtos artesanais.

Para tomar parte no Mercado é requisito indispensable cumprimentar a solicitude de participación en liña antes das 19:00 horas do día 2 de novembro de 2017. Ao documento pódese acceder dende este enlace.

Ademais de cumprimentar a solicitude de participación, os/as solicitantes deberán remitir á organización fotografías representativas dos seus produtos e máis proposta de decoración de Nadal do seu posto. Na proposta indicarase tipo de decoración e materiais a utilizar. As fotografías e propostas de decoración remitiranse a mercadonadal@versalscq.com. A solicitude de participación non será válida se non se cumpre esta premisa.

O mercado organizarase en 6 quendas: do 2 ao 7 de decembro, do 8 ao 13 de decembro, do 14 ao 19 de decembro, do 20 ao 25 de decembro, do 26 ao 31 e decembro e do 1 ao 6 de xaneiro. As persoas solicitantes poderán pedir praza para unha, varias ou todas as quendas.

Complementariamente, e fóra do cómputo dos 15 postos de venda sinalados, seleccionaranse tamén expositores para: doces producidos in situ (churros, gofres ou similares) e foodtrucks destinados á venda de bebidas non alcohólicas (chocolate quente e infusións, en todo caso), así como de bebidas alcohólicas autorizadas (viño quente e vermú galego).

Os/as interesados/as poden solicitar información complementaria a través da direccións electrónicas comercio@santiagodecompostela.gal ou mercadonadal@versalscq.com, ou do teléfono 981 555 920.

Éxito de participación no Mercado de Nadal

Éxito de participación no Mercado de Nadal

O concelleiro de Medio Ambiente e Convivencia, Xan Duro, fixo un balance do que foron as actividades programadas polo Concello durante este Nadal. Unha programación transversal na que participaron os departamentos de Acción Cultural, Centros Socioculturais, Comercio, Deportes, Mocidade,Turismo ou Medio Ambiente, entre outros.

Xan Duro cualificou o resultado destas actividades como “moi satisfactorio e positivo, non só pola alta participación na maior parte de actividades senón polo retorno que obtivemos das mesmas na cidade”. Dende o Concello de Santiago fíxose o esforzo por achegar “un amplo abano de actividades pensadas para todos os públicos e todos os barrios” e, por iso, este ano houbo unha grande implicación da rede de centros socioculturais, que incorporaron varias actividades novidosas.

A Carreira do Conde acolleu este ano o Mercado de Nadal, que este ano non só tivo éxito de público, senón tamén de casetas, cun total de 65 postos instalados en seis quendas. Xan Duro asegurou que “resultou ser un éxito como dinamizador, tanto do Ensanche como do Casco Histórico, pola zona na que o ubicamos este ano, na Carreira do Conde, rúa de tránsito peonil entre ambas zonas da cidade”. De feito, estímase que polo Mercado pasaron aproximadamente 17.000 persoas, e preto de mil polos obradoiros infantís e para adultos.

Aberto o Mercado de Nadal

Aberto o Mercado de Nadal

O Mercado de Nadal de Compostela abriu este sábado ao público na rúa Carreira do Conde e estará aberto ata o vindeiro 5 de xaneiro. A concelleira de Comercio, Marta Lois, visitou os expositores nesta xornada inaugural.

Dos 79 expositores desta edición do Mercado de Nadal destaca a pluralidade da oferta, xa que están representados sectores como alimentación, xoiería en prata, bixutería, complementos, cerámica, reciclaxe de madeira, decoración específica de Nadal, regalos, cosmética natural, xoguetes… Haberá un total de 14 expositores por cada unha das 6 quendas nas que se dividirá o mercado.

Horarios
O horario do Mercado será de luns a venres de 11:00 a 15:00 e de 17:00 a 21:00 horas, e os sábados e domingos de 11:00 a 21:00 horas (horario ininterrompido). Tamén haberá un horario especial os días 24 e 31 de decembro (de 11:00 a 18:00 horas), o 25 de decembro e o 1 de xaneiro (de 18:00 a 21:00 horas) e o 5 de xaneiro (de 11:00 a 21:00 horas).

Espazo creativo
O Mercado de Nadal tamén terá este ano un Espazo Creativo, con diversos obradoiros de participación aberta ata completar aforo. Ao longo de 18 xornadas, sucederanse, tanto pola mañá como pola tarde, talleres nos que os e as participantes poderán aprender a facer xoguetes con material de refugallo, paxaaros con pelotas de ping pong, envoltorios para agasallos, colgantes para os árbores de Nadal… Algúns días tamén haberá unha ludoteca, con xogos e entretemento para os máis pequenos e pequenas.

1480769084photo188212674322082319        1480769119photo188212674322082318

Arranca este sábado o Mercado de Nadal, que contará con 79 expositores

Arranca este sábado o Mercado de Nadal, que contará con 79 expositores

O Mercado de Nadal de Compostela abre mañá sábado ao público na rúa Carreira do Conde e estará aberto ata o vindeiro 5 de xaneiro. Así o anunciou a concelleira de Igualdade, Desenvolvemento Económico e Turismo, Marta Lois, quen avanzou que “este ano se presentaron 107 solicitudes, 21 máis que o ano pasado, e haberá finalmente un total de 79 expositores, superando en 23 a cifra do ano pasado”.

Dos 79 expositores destaca a pluralidade da oferta, xa que están representados sectores como alimentación, xoiería en prata, bixutería, complementos, cerámica, reciclaxe de madeira, decoración específica de Nadal, regalos, cosmética natural, xoguetes… Haberá un total de 14 expositores por cada unha das 6 quendas nas que se dividirá o mercado. As persoas solicitantes podían pedir a participación nunha ou varias quendas.

Horarios
O horario do Mercado será de luns a venres de 11:00 a 15:00 e de 17:00 a 21:00 horas, e os sábados e domingos de 11:00 a 21:00 horas (horario ininterrompido). Tamén haberá un horario especial os días 24 e 31 de decembro (de 11:00 a 18:00 horas), o 25 de decembro e o 1 de xaneiro (de 18:00 a 21:00 horas) e o 5 de xaneiro (de 11:00 a 21:00 horas).

SONY DSC

Marta Lois valorou o número de solicitudes presentadas e amosouse “moi satisfeita pola cantidade de persoas que demostraron que queren formar parte do Mercado de Nadal, porque iso demostra a alta calidade dos nosos artesáns e das nosas artesás, non só en Compostela, senón no conxunto do país”.

Ademais, a concelleira lembrou o cambio de ubicación polo que se apostou este ano, optando por Carreira do Conde, “unha rúa peonil e de transición entre o Casco Histórico e o Ensanche que permite que tanto os comerciantes dunha como doutra zona se beneficien do fluxo de persoas que haberá durante estes días no Mercado”.

Espazo creativo
O Mercado de Nadal tamén terá este ano un Espazo Creativo, con diversos obradoiros de participación aberta ata completar aforo. Ao longo de 18 xornadas, sucederanse, tanto pola mañá como pola tarde, talleres nos que os e as participantes poderán aprender a facer xoguetes con material de refugallo, paxaaros con pelotas de ping pong, envoltorios para agasallos, colgantes para os árbores de Nadal… Algúns días tamén haberá unha ludoteca, con xogos e entretemento para os máis pequenos e pequenas.

1480680636imaxe_mercado_nadal

Queda unha semana!!

Queda unha semana!!

Compostela, 26 de novembro do 2016 – Queda unha semana para que chegue o Mercado de Nadal en Compostela e seguimos traballando arreo para que todo estea preparado.

acebo-para-webO Mercado contará con 15 postos de venda instalados en casetas montadas especificamente para esta finalidade. Mudamos o emprazamento á Carreira do Conde xa que se trata dun espazo idóneo canto ás súas condicións (rúa peonil) e localización nun lugar céntrico e doadamente accesible por parte do público visitante.

Os visitantes terán moito onde elixir. Os postos rotarán cada 6 días, polo que sempre haberá sorpresas no #mercadonadalscq.

En canto a horarios, hai moitas ocasións para visitar o Mercado. O horario de apertura ao público será de 11:00 a 15:00 e de 17:00 a 21:00 de luns a venres; e de 11:00 a 21:00 horas (horario ininterrompido) os sábados e domingos, agás certas datas que terán horarios especiais. O 24 e o 31 de decembro de 11:00 a 18:00 horas; o 25 de decembro e o 1 de xaneiro de 18:00 a 21:00 horas; e o 5 de xaneiro de 11:00 a 21:00 horas, todas elas en horario ininterrompido.

O Mercado de Nadal será unha das citas destacadas do Nadal, aberto desde o sábado 3 de decembro.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR